Ki te reo Pākehā, he whakarāpopototanga te HIV mō te Human Immunodeficiency Virus. He huaketo e whakaruhi ana i te mate ārai te HIV. Mā te pērā e taumaha ai ki tō tinana ki te tiaki i tō hauora. Inā tupu te whakaruhi mate ārai, ka riro hei mate ārai kore, arā, hei AIDS (Acquired Immunodeficiency Syndrome).
Ko te mea waimarie kē, tērā ngā rongoā papai hei whakapakari i tō pūnaha awhikiri. Mā te kai i ngā rongoā i te wā e iti kē ana te huaketo, me te ū tonu ki te kai i ngā rongoā, ka taea te whakaruhi ārai mate te whakahaere. Nā te rangahau kua piki ake te kounga o ngā rongoā, ā, e haere tonu ana ngā mahi rangahau i tēnei wā tonu e piki ake ai te kounga. Ināianei, ki te mea ka ū tonu ngā tāngata e pāngia ana e te whakaruhi mate ārai ki te kai i ngā rongoā, ka rite tonu te roa o ō rātou ora ki te roa o ngā ora o ngā tāngata kāore e pāngia e taua huaketo.
Mō te roanga ake, mātakihia tēnei ataata tahi meneti te roa nā Greater Than AIDS. (He hononga ki tētahi rauemi reo Pākehā)