Mvutu na ngiufula yayi ke tadila mutindu nge ke vukisaka nitu. Mbala mingi, munganga ta sadisa nge ekzame ya VIH, yandi ta sala ekzame ya menga sambu na kuzaba kana nge kele ti sifilisi, mpi ekzame ya masuba sambu na kuzaba kana nge kele ti kimbefo ya ke sambukilaka na kuvukisa nitu na kinama na nge ya kibakala to ya kinkento. Kana nge ke vukisaka nitu na munoko, nge fwete zikisa nde munganga ke sala ekzame ya mate na nge sambu na kuzaba kana kimbefo ya ke sambukilaka na kuvukisa nitu kele kuna, mpi kana bo ke lalaka nge na mataku, nge fwete zikisa nde bo ke sala mpi ekzame ya mataku na nge.
Yo kele mfunu mpi na kusala ekzame ya Hepatite B ata mbala mosi, mpi ekzame ya Hepatite C, mingi-mingi kana nge kele ti kimbefo ya VIH.
Sambu na kuzaba mambu mingi, tala video yayi ya munuta mosi ya me katuka na Nene Kuluta SIDA. (Lien yayi ke nata na bansangu ya Kingelesi)