CDC ke tuba nde bapede mpi bantu yina kele bonso babakala to bankento na mbala mosi yina ke vukisaka nitu ti bantu mingi fwete sala ekzame ya kimbefo yina ke sambukilaka na kuvukisa nitu mpi ya VIH konso ntangu na nima ya bangonda tatu to sambanu. Na kutadila ntalu ya bantu yina nge ke vukisaka nitu ti bo, mpi mutindu ya kuvukisa nitu yina nge ke salaka, nge lenda kudibongisa sambu na kusala baekzame konso ntangu na nima ya bangonda tatu.
Sambu na kusala baekzame ya kukuka kibeni, nge fwete sala ekzame ya bitini yonso ya nitu na nge yina nge ke sadilaka sambu na kuvukisa nitu. Kana nge ke vukisaka nitu na munoko, lomba bo sala ekzame ya mate na nge. Kana nge kele muntu ya bo ke lalaka (nge ke vandaka na nsi) to bo ke lalaka nge na kisika ya kunenina, lomba bo sala nge mpi ekzame ya kisika ya kunenina. Mbala mingi, bo ke sadilaka masuba sambu na kusala ekzame ya kinama na nge ya kibakala to ya kinkento.
Sambu na kuzaba mambu mingi, tala video yayi ya munuta mosi ya me katuka na Nene Kuluta SIDA. (Lien yayi ke nata na bansangu ya Kingelesi)